20 yanvar hadisələri Pakistan mətbuatında

Pakistanın nüfuzlu ingilisdilli DNA NEWS informasiya agentliyi və “Centreline” jurnalında tanınmış jurnalist Əli Furqanın 20 yanvar hadisələrinə həsr edilmiş “20 Yanvar 1990 – Azərbaycanın Ümümxalq Hüzn Günüdür ” adlı məqaləsi dərc olunub.

Məqalədə Sovet İttifaqının süquta uğraması zamanı erməni millətçilərinin Azərbaycana qarşı ərazi iddiaları irəli sürərək Dağlığ Qarabağ əyalətinin Ermənistana birləşdirmək niyyətinin olduqları və bu məkrli istəklərini həyata keçirtmək üçün SSRİ-nin rəhbəri M. Qorbaçovun dəstəyini aldıqları vurğulanıb.

Əli Furqan 20 yanvar günü sovet ordusunun Bakıda törətdiyi barədə ətraflı məlumat verib. Bu aksiyanın SSSR-i və Azərbaycan SSR-i konstitusiyalarına və insan hüquqları haqqında beynəlxalq paktın müddəaları ilə ziddiyyət təşkil edildiyi bildirilib.

Daha sonra, məqalədə ümummilli lider Heydər Əliyevin Azərbaycanın Moskvadakı daimi nümayəndəliyinə gedərək bu amansız aksiyanı qəti tənqid etməsi ilə Bakıda cərəyan edən hadisələr ətrafında yaranmış informasiya blokadasını yarması da qeyd edilir. Yazıda şəhidlərin dəfn mərasiminə gələn bir milyondan çox insanın və bütün Azərbaycanın 40 gün ərzində SSRİ rəhbərliyinə itaətsizlik göstərməsi buna sübut kimi göstərilib.

Jurnalist, yanvar hadisələrinin Azərbaycanın müasir tarixində dönüş nöqtəsinin və Sovet İttifaqının süqutunun başlanğıcı olduğunu bildirilib. O qeyd edib ki, 18 oktyabr, 1991-ci ildə müstəqilliyə qovuşan Azərbaycanın prezidenti Heydər Əliyevin 16 Dekabr 1999 il tarixli fərmanı ilə 20 yanvar qurbanlarına “20 Yanvar şəhidləri” statusu verilmış, onların ailə üzvlərinin Azərbaycan Dövləti tərəfindən qayğı və himayəsində olduqları qeyd etmişdir.

Yazının sonunda, o da bildirilib ki, hər ilin yanvarın 20-də yüz minlərlə insan şəhidlərə öz ehtiramını bildirmək üçün şəhərin ən yüksək zirvəsində yerləşən Şəhidlər Xiyabanını ziyarət edirlər.

Məqalənin tam mətnini aşağıdakı linkdən oxumaq mümkündür:

http://centreline.com.pk/?p=3256

http://dnanews.com.pk/?p=27413