Çeçenistan lideri Ramzan Kadırov bütün silahları ilə İranı dəstəkləməyə hazır olduğunu və hətta lazım gələrsə, özü də döyüşmək üçün İrana gedə biləcəyini bildirib.
Kadırov ABŞ və İsraili sərt tənqid edərək onların hücumlarını "xaincəsinə" adlandırıb. Bununla belə, o, İranın Körfəz ölkələrindəki mülki hədəflərə hücumlarını da qəbuledilməz hesab edib.
Lent.az-ın xarici mediaya istinadən xəbərinə görə, bu açıqlamalar müharibənin daha geniş əraziyə yayıla biləcəyi ilə bağlı fərziyyələrə səbəb olub. ABŞ-İsrail ittifaqı ilə İran arasında davam edən münaqişə fonunda Çeçenistan lideri Ramzan Kadırov diqqətəlayiq bir açıqlama verib. Kadırov İrana hərbi dəstək verməyə hazır olduğunu və lazım gələrsə, hətta özü də cəbhə xəttinə gedə biləcəyini bildirib.
“İran uğrunda döyüşməyə hazıram”
Açıqlamasında Kadırov İrana bütün silahlarını və dəstəyini təklif edə biləcəyini söyləyərək əlavə edib: “Hətta bu gün belə, İrana gedib ABŞ-İsrail quru əməliyyatına qarşı vuruşmağa hazıram”.
Bu sözlər regional aktyorlar üçün müharibənin genişlənmə riskini yenidən ön plana çıxarıb.
Kadırov ABŞ və İsrailin İrana hücumlarını "Ramazan ayında xəyanətkar hücum" adlandıraraq, iki ölkəni "İslam dünyasında bölünmə yaratmaqda" günahlandırıb. O, Tehran hakimiyyətinin münaqişəyə üçüncü ölkələri cəlb etməyə çalışdığını iddia edib.
Digər tərəfdən, Kadırov İranın Birləşmiş Ərəb Əmirliklərinə və digər Körfəz ölkələrinə hücumlarını tənqid edib. Amerika bazalarına qarşı cavab hücumlarını "gözlənilən cavab" hesab etsə də, Kadırov üçüncü ölkələrdəki mülki infrastrukturun hədəfə alınmasını "qəbuledilməz" adlandırıb.
Kadırov BƏƏ prezidenti Şeyx Məhəmməd bin Zayedə dəstəyini ifadə edib və onu "böyük qardaşı" adlandırıb. Kadırov BƏƏ hökumətinin regional ölkələrə qarşı heç bir hərbi ambisiyası olmadığını vurğulasa da, mülki hədəflərə edilən hücumların heç bir şəkildə haqlı ola bilməyəcəyini bildirib.
Kadırovun Birləşmiş Ərəb Əmirlikləri ilə yaxın əlaqələri də məlumdur. Araşdırmalara görə, onun ailəsinin Dubayda dəyəri 20 milyon dollardan çox olan lüks mülkləri var. Deyilənə görə, bu mülklərdən biri illərdir Çeçenistanın qeyri-rəsmi nümayəndəlik məntəqəsi kimi istifadə olunur. Bundan əlavə, uçuş qeydləri göstərir ki, Kadırovun şəxsi təyyarəsi son illərdə tez-tez BƏƏ-yə uçur.
Kadırovun İrana açıq hərbi dəstək mesajı müharibənin təkcə regional aktyorların deyil, həm də digər aktyorların iştirak etdiyi daha geniş münaqişəyə çevrilə biləcəyi ehtimalını gücləndirib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
