İstanbul Böyükşəhər Bələdiyyə Başçısı Əkrəm İmamoğlu bu gün məhkəmə qarşısına çıxarılıb.
Lent.az Türkiyə mediasına istinadən xəbər verir ki, o, İstanbul Cumhuriyyət Baş Prokuroru Akın Gürleki və ailəsini təhdid və təhqir etməkdə ittiham olunur.
Silivri həbsxanasında keçirilən məhkəmə iclasında İmamoğlu ittihamları rədd edib: "Təhdidmiş. Mən kimi təhdid etmişəm? Belə bir şey ola bilərmi? Açıq-aşkar təhqir, bu necə açıq-aşkar təhqirdir? Bu ifadə azadlığıdır", - o qeyd edib.
Məhkəmə, Akın Gürlekin vəkilinin təhdid və təhqir ittihamları üzrə tələblərini qəbul edib, lakin terrorla mübarizədə iştirak edən şəxsləri hədəf göstərmək ittihamı üzrə tələbi rədd edib.
Günahı sübuta yetirilərsə onu 7 il 4 aya qədər həbs cəzası gözləyir.
Qeyd edək ki, növbəti məhkəmə iclası 16 iyun 2025-ci il tarixinə təyin edilib.
Xatırladaq ki, İmamoğlu, 23 mart 2025-ci il tarixindən bəri Silivri həbsxanasında saxlanılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
