110 yaşdan çox yaşayan insanların sirri tapılır?

Alimlər 110 yaşdan yuxarı insanların immun sistemində uzunömürlülüklə əlaqəli ola biləcək maraqlı xüsusiyyətlər aşkar ediblər.

Lent.az xəbər verir ki, bu barədə Nature məlumat yayıb.

Tədqiqatçılar çox uzun ömür sürən insanların immun sisteminin yaşlanmaya baxmayaraq müəyyən uyğunlaşma qabiliyyətini qoruduğunu müəyyənləşdiriblər. Bu insanların orqanizmində infeksiyalara və digər təhlükələrə qarşı mübarizə aparan immun hüceyrələrinin aktivliyi diqqət çəkib.

Alimlər bunun uzunömürlülüyün yeganə səbəbi olmadığını, genetik faktorlarla yanaşı həyat tərzi və ətraf mühitin də mühüm rol oynadığını vurğulayırlar.