Liviya qiyamçılarının hərbi lideri ABŞ və Britaniyanın üzr tələb etdi

Lent.az-ın “The Guardian” qəzetinə istinadən verdiyi məlumata görə, buna səbəb ABŞ Mərkəzi Kəşfiyyat İdarəsinin və Böyük Britaniya hakimiyyətinin Abdel Hakim Belhəcin 2004-cü ildə Müəmmər Qəddafi hakimiyyəti tərəfindən həbsinə dəstək verməsinin üzə çıxmasıdır.

Abdel Hakim Belhəc 2004-cü ildə Bankonkda saxlanılıb və Liviyaya göndərilib. O, 7 il həbsdə olub, işgəncəyə məruz qalıb. Abdel Hakim Belhəc ABŞ və Böyük Britaniyanın onun həbsində iştirakını Liviya xüsusi xidmət orqanlarının arxivində aşkarlanan sənədlər sayəsində keçən həftə öyrənib.

Abdel Hakim Belhəc deyib ki, həmin vaxt baş verənlər qanunsuzluqdur və ondan üzür istənilməlidir. Bununla belə o, ABŞ və Böyük Britaniya ilə əlaqələrin inkişafının da tərəfdarı olduğunu qeyd edib və beynəlxalq məhkəmə instansiyalarına müraciət etməyəcəyini dilə gətirib.