Türkiyənin qərarları rəsmən İsrailə təqdim olundu
05 sentyabr 2011 15:56 (UTC +04:00)

Türkiyənin qərarları rəsmən İsrailə təqdim olundu

Lent.az-ın “trtazerbaycan.com” saytına istinadən verdiyi məlumata görə, xarici işlər naziri Əhməd Davudoğlunun mətbuat vasitəsilə açıqladığı qərarlar İsrailin Ankaradakı səfirliyinin baş katibinə təqdim olunub.

Hazırda İsrail səfirliyinin Ankaradakı ən yüksək vəzifəli nümayəndəsi olan baş katib dünən Türkiyə Xarici İşlər Nazirliyinə çağırılıb və qərarlar rəsmi olaraq ona açıqlanıb. Bu gün isə qərarlar nota ilə İsrail səfirliyinə göndərilib.

Qeyd edək ki, hazırda İsrail səfiri Ankarada deyil. Bundan sonra iki ölkə arasında əlaqələr ikinci katib səviyyəsində həyata keçiriləcək. İkinci katib vəzifəsindən yüksək olan məmurların Ankaranı tərk etmələri tələb olunub. Bu kateqoriyaya aid olan şəxslər gediş hazırlığı içərisindədirlər.
# 361

Oxşar yazılar