İranı şoka salan porno gerçəklik

İran İslam İnqilabını Mühafizə Korpusunun kiber bölməsi tərəfindən aparılan araşdırma acı gerçəkliyi ortaya qoyub.

Lent.az-ın “Hürriyət” qəzetinə istinadən verdiyi məlumata görə, İslam İnqilabını Mühafizə Korpusunun komandanlarından biri olan İbrahim Beyani deyib ki, apardıqları araşdırma zamanı dünyadakı 182 şəhər arasında sakinləri ən çox porno saytlara girən şəhərin Tehran olduğu, Şirazın isə bu şəhərlər sırasında 15-ci yeri tutduğunu üzə çıxarıblar.

İbrahim Beyani bildirib ki, porno saytlara giriş İranda xalqın oruc tutduğu Ramazan ayında rekord qırıb: “Bu, dəhşətdir. Gəncləri necə məscidlərə toplaya, oruc tutmağa təşviq edə bilərik?!

Qeyd edək ki, İranda porno, eyni zamanda müxalif yönümlü saytlara girişi əngəlləmək üçün filtr sistemi tətbiq olunur. Lakin istifadəçilərin çoxu xüsusi proqramlarla bu əngəli aşırlar. İran hökuməti hazırda bu problemi çözmək üçün “halal internet” adlandırdığı bir sistem üzərində çalışır.