Qəddafinin yeri tapıldı

Lent.az-ın “mignews.com” saytına istinadən verdiyi məlumata görə, Milli Keçid Şurası Müəmmər Qəddafinin paytaxt Tripolidən 150 kilometr cənub-şərqdə yerləşən Ben-Valid şəhərində olduğunu açıqlayıb.

Qiyamçıların təmsilçisi Abdel Məcid Mleqta deyib ki, Mili Keçid Şurası Ben-Valid şəhər rəhbərindən Müəmmər Qəddafini hşəbs edərək onlara təhvil verməyi tələb edib. Abdel Məcid Mleqta bildirib ki, Müəmmər Qəddafinin oğlu Seyfülislam Qəddafi və Liviya kəşfiyyatının rəhbəri Abdulla Senussi də bu şəhərdədir: “Biz hələ Ben-Valid şəhərinin hörmətli şəxslərindən müvafiq cavab almamışıq və bu məsələ ilə bağlı mövqeyimizi müəyyənləşdiririk. Biz problemi ildırım sürətli hərbi əməliyyatla həll etməyə qadirik. Ancaq bu yola əl atmaq istəmirik”.

Qeyd edək ki, Müəmmər Qəddafi 42 il əvvəl məhz bu gün Liviya kralı İdrisi devirərək hakimiyyətə gəlib. Həmin vaxt o, kapitan rütbəsində olub.