Afrika İttifaqı Somaliyə 356 milyon dollar göndərəcək

Lent.az-ın xəbərinə görə, eyni zamanda BMT-də Somalidəki aclıq fəlakəti ilə bağlı məlumat yayıb. Məlumatda bildirilir ki, bu ölkədəki humanitar fəlakətin fəsadlarını aradan qaldırmaq üçün 2,1 milyard dollar lazımdır.

Afrika İttifaqı yardımın 300 milyon dollarını Afrika İnkişaf Bankından verəcək. Yerdə qalan hissəsi isə bəzi Afrika ölkələri və şəxsi təşəbbüslər hesabına toplanacaq.

Qeyd edək ki, Somalidəki aclıq və quraqlıqdan dolayı 400 minə yaxın uşaq ölüm təhlükəsi ilə üz-üzə qalıb.

Onu da bildirək ki, BMT-nin daha öncəki məlumatına görə, Somalidəki aclığı aradan qaldırmağa 1,1 milyard dollar lazım idi.