ŞOK: Məhəmməd Peyğəmbərə şəxsiyyət vəsiqəsi çıxartdılar - FOTO

Türkiyənin Of əyalətinin müftisi Mehmet Gənç və “Peyğəmbərimizi Tanıtma və Mədəniyyət Vəqfi”nin üzvü Burhan Gültekin Məhəmməd Peyğəmbərə şəxsiyyət vəsiqəsi hazırlayıblar.

Lent.az-ın “habertürk”ə istinadən xəbərinə görə, Peyğəmbərin doğumundan 1422 il sonra ona şəxsiyyət vəsiqəsi hazırladıqlarını bəyan edən şəxslər bunun dünyada bir ilk olduğunu deyiblər. Onlarda şəxsiyyət vəsiqəsindən min ədəd olduğunu və hər birinin 1 türk lirəsinə (50 qəpik – red.) satıldığını söyləyən “işbazlar” bunun maya dəyərinin 25 quruş (təxminən 12 qəpik) olduğunu açıqlayıblar.

İdeya müəllifləri “inşallah, Rəsulallah 1422 il sonra hazırlanan bu şəxsiyyət vəsiqəsindən mənəvi baxımdan məmnun olub” - deyə, qeyd ediblər.

“Şəxsiyyət vəsiqəsi”ndə Məhəmməd Peyğəmbərə Türkiyə Cümhuriyyəti vətəndaşlığı nömrəsi verilib, həmçinin vəsiqədə Peyğəmbərlə bağlı bir çox məlumatlar da öz əksini tapıb.