“Doğan Holdinq” media sektorundan çəkilir

Türkiyənin məşhur “Doğan Holdinq” Şirkətlər Qrupu media sektorundan çəkiləcək. Lent.az-ın verdiyi məlumata görə, bu barədə “Bloomberg” jurnalı məlumat yayıb.

“Doğan Holdinq” İcraiyyə Heyəti və “Doğan Yayın Holdinq” İdarə Heyətinin üzvü Soner Gedik “Hürriyet” qəzetinin və nəşriyyatının satışı üçün təklif qəbul edildiyini açıqlayıb. O deyib ki, səhmlərinin 66,6 faizi “Doğan Yayın Holdinq”ə məxsus olan “Hürriyet” qəzeti hər an satıla biləcək şirkətlər sırasındadır.

Aydın Doğan ona məxsus şirkətlərin satışını həyata keçirmək üçün vasitəçi qismində “Goldman Sachs” şirkətinə müraciət edib. Soner Gedik petensial alıcıların qısa siyahısının da 1 ay ərzində dəqiqləşəcəyini söyləyib. O, “Doğan Holdinq” Şirkətlər Qrupuna məxsus bütün media şirkətlərini 3 ay ərzində yaxşı bir qiymətə satmaq istədiklərini dilə gətirib.

Xatırladaq ki, “Doğan Holdinq” Şirkətlər Qrupuna məxsus media orqanları sırasında “Hürriyet” qəzeti ilə bərabər, “CNN Türk”, “Kanal D”, “Star” telekanalları, “Milliyet” və “Posta” qəzetləri var.