Erməni qadın Türkiyədə kodlarla idarə olunan fahişəxana yaradıbmış...

Türkiyədə erməni və gürcü qadınlardan ibarət fahişə qrupu aşkarlanıb. Lent.az-ın “Milliyət” qəzetinə istinadən verdiyi məlumata görə, polisin Torabzonda keçirdiyi əməliyyat zamanı 18 nəfər həbs olunub.

Onların 15 nəfəri erməni və gürcü qadınlardır. Erməni və gürcü qadınları fahişəliyə məcbur edənlərin başında Ermənistan vətəndaşı, 48 yaşlı Qoar Kirakosyan və bir polis olub.

10 ay əvvəl Türkiyə polisinə məlumat daxil olub ki, Ermənistan və Gürcüstandan Türkiyəyə qeyri-leqal yolla qadınlar gətirilir və onlar fahişəliklə məşğul olmağa məcbur edilirlər. Bu müddət ərzində polis onları izləyib. Oktyabrın 14-də əməliyyata başlanılıb. 6 kafe, 8 evdə əməliyyat keçirilib.

O da məlum olub ki, fahişə qrupuna rəhbərlik edən Qoar Kirakosyan bir türkə ərə gedib, Türkiyə vətəndaşlığı alıb. Halbuki həmin şəxs Ermənistanda insan alverinə görə axtarışda olub.

Qadınların hamısı Türkiyəyə qeyri-leqal yolla gətirilib. Qrup üzvləri çox ehtiyatlı hərəkət edib, kodlardan istifadə ediblər. Məsələn, müştəriyə fahişə lazım olanda telefonla zəng açılıb, çay iç deyilib. Fahişələrə isə çanta adı qoyulub.

Məhkəmənin qərarı ilə fahişələrin Türkiyədən deportasiya olunması gözlənilir.