Amerika İran püstəsini qadağan etdi
13 oktyabr 2010 21:26 (UTC +04:00)

Amerika İran püstəsini qadağan etdi

Lent.az-ın «İrannyus»-a istinadən məlumatına görə, İslam Respublikası ticarət palatasının kənd təsərrüfatı komissiyasının sədri Məhəmməd Hüseyn Kərimpur deyib ki, Vaşinqton İran püstəsinin ABŞ-da satışını qadağan edib.

Onun sözlərinə görə, bu il əlverişli şərait olduğundan 200 min ton püstə tədarük olunub. Ötən illə müqayisədə dünya bazarlarında onun qiymətində qalxma müşahidə olunur. İranda isə bir kiloqram püstə 7300 tüməndir (bir dollar 1060 tüməndir). İslam Respublikasından Avropaya isə bir tonu 7,6 min dollardan ixrac edilir.

Kərimpur onu da vurğulayıb ki, ABŞ bazarlarına 400-500 ton püstə tədarük edildiyindən, həmin yasaq bu məhsulun ixracına elə güclü təsiri olmayıb.

Sədrəddin Soltan
# 1316

Oxşar yazılar