Yeni il ərəfəsində Santa-Klausu məhv etmə kampaniyası başladı

Bir qrup alman katoliki Santa-Klaus obrazından imtina etməyi və onu Müqəddəs Nikolayla əvəzləməyi təklif edir.

Lent.az-ın “Reuters” agentliyinə istinadən verdiyi məlumata görə, katoliklərin dini təşkilatı hesab edir ki, Qərbdə yeni ilin simvolu olan Santa-Klaus reklam industrriyasının ixtirasıdır və cəmiyyətin istehlakını təcəssüm etdirir.

Alman katoliklər yeni ilə bir neçə ay qalmış həmvətənlərini Santa-Klausdan azad zona yaratmağa çağırıblar. Söhbət ticarət mərkəzlərində, kafe və digər yerlərdə Santa-Klaus təsvirlərinin, plakat və fiqurlarının yerləşdirilməsindən istisna edilməsindən gedir.

Məşhur teleaparıcı Nina Ryüqe də katolik qrupun təşəbbüsünü dəstəkləyib.

Xristianların Müqəddəs Nikolayı Santa-Klausun əsas prototipidir. Santa-Klaus adı holland dilində Nikolay adının transkripsiyasının təhrifi nəticəsində ortaya çıxıb. Ancaq Santa-Klaus mahiyyətdə Müqəddəs Nikolayın özünəməxsus bayram versiyasıdır və möcüzəvi xristian obrazından uzaqdır.