Dünya erməniləri Güney Azərbaycan toplaşır

İran hakimiyyəti Yerevandan çox ermənilərin qayğısına qalır.
İyulun 29-da Güney Azərbaycanın Urmiya şəhərində Dünya Ermənilərinin idman festivalının açılış olub. 10 gün keçiriləcək bu mərasim Urmiyanın Çarbaş məhəlləsində ermənilərə məxsus idman klubunda davam edəcək.

Festivalda Ermənistan, Livan, İran, İraq, habelə Avropa və Amerika ölkələrində yaşayan ermənilər iştirak edirlər.

Tədbir İran məclisi, İslam Respublikası Bədən Tərbiyəsi İdarəsi və iranlı ermənilər qurumu tərəfindən təşkil olunub.

Mənbənin bildirdiyinə görə, keçən il keçirilən belə mərasimdə 2 min erməni iştirak edib. Onlar Urmiyanın ən bahalı sahilyanı mehmanxanalarında qalırlar.

Onu da qeyd edək ki, İran hakimiyyəti dünya ermənilərinin Güney Azərbaycanın Makı şəhərindəki Qarakilsə adlı kilsəyə toplaşaraq, dünya ermənilərinin tədbirini keçirməyə şərait yaradır. Bu mərasimdə Tehran hakimiyyətinin rəsmiləri çıxış edir. Orada “ermənilərin problemləri” və “soyqırım” kimi saxta tarixi hadisələrdən də danışırlar.

Sədrəddin Soltan

Avstriya ticarət palatası sanksiyaya məhəl qoymur

Bir sıra dövlətlər hələ də BMT Təhlükəsizlik Şurası və Avropa Birliyinin sanksiyalarına məhəl qoymur.

Avstriyanın Tehrandakı ticarət palatasının təmsilçisi İran radiosuna müsahibəsində bildirib ki, İslam Respublikası ilə ölkəsinin xeyli sayda şirkəti ticarət müqaviləsi bağlayıb.

Lent.az-ın “İSNA”-ya istinadən məlumatında bildirilib ki, Avstriyanın 700-750 şirkəti İranla daimi əsasda əməkdaşlıq edir.

2009-cu ildə iki ölkə arasında ticarət dövriyyəsi 400 milyon avro təşkil edib. Avstriyadan İrana 330 milyon avroluq mal ixrac olunub.

Təmsilçi qeyd edib ki, İrana qarşı sanksiyalar hələlik onların əməkdaşlığına, Avstriyanın İslam Respublikasına ixracatına təsir etməyib.

Sədrəddin Soltan