Müxalifət:«Suriyada İran hərbiçilərinin qanın axmasını istəmirik»

İran hakimiyyəti Suriyada Bəşar Əsədi müdafiə etdiyini və ona hərbi sahədə, canlı qüvvə, təlimatçı və silah-sursat göndərdiyini olaylar başlayanda gizlətməyə çalışsa da sonradan bu mümkün olmadı.

Vəziyyət belə gördükdən sonra Suriyada mövcudluğu etiraf etməyə başladı.

Heç şübhəsiz ölkə müxalifəti də Tehranın bu hərəkətinə laqeyd qala bilməzdi. Ona görə də dekabrın 12-si Mərakeşdə keçirilən “Suriyanın dostları” toplantısında çıxış edən Suriya Milli Şurasının başçısı Əhməd Müəz əl-Xətib İrandan Suriyadakı hərbçilərini çıxarmağı tələb edib.

Lent.az-ın xarici informasiya vasitələrinə istinadən məlumatına görə, müxalifət lideri deyib ki, Bəşər Əsəd hakimiyyətinə yardım göstərən İran hərbçiləri təcili olaraq ölkəni tərk etməlidir: “Biz İrandan bütün hərbi ekspertlərini təcili olaraq, Suriyadan çıxarmasını istəyirik. Biz bunu İranın dəstək verdiyi Livan

“Hizbullah”ı qruplaşmasının rəhbərlərindən də tələb etmişdik. Onlar da öz hərbçilərini Suriyadan çıxarmalıdırlar. Onların hərbçilərinin qanı artıq tarixə qovuşmuş qəddar və amansız rejimin müdafiəsi uğrunda axmamalıdır”.