Məşəl Qəzzaya qayıtdı, torpağı öpdü... - FOTO

Lent.az-ın BBC-yə istinadən verdiyi məlumata görə, Xalid Məşəl Qəzza sektoruna Rəfah sərhəd-keçid məntəqəsindən keçib və kameralar qarşısında torpağı öpüb.

Xalid Məşəlin səfəri Həmas Hərəkatının yaradılmasının 25 illiyinə təsadüf edib.

Qeyd edək ki, 1956-cı ildə Qərb Sahilində anadan olmuş Xalid Məşəl 1967-ci il müharibəsindən sonra Küveyt və İordaniyada yaşayıb. O, 1997-ci ildə İsrailin təşkil etdiyi sui-qəsd cəhdindən sağ çıxıb. Ötən ilədək Dəməşqdə yaşamış Həmas lideri son vaxtlar Misir və Qətərdə yaşayıb.