Bir qrup Mursinin ailəsinin yaşadığı evə hücum edib

Misirdə hadisələr çox sürətlə inkişaf etməkdədir.
Lent.az-ın «BBC»-yə istinadən məlumatına görə, prezident Məhəmməd Mursinin ailəsinin yaşadığı əş-Şərqiyyə əyalətinin Əz-Zakazik şəhərindəki evə soxulmaq istəyənlərdən 25-i yaralanıb.

Yerli televiziyanın məlumatına əsasən, evin yaxınlığında polislə toqquşmada 3 minə yaxın müxalifət təmsilçisi iştirak edib. Onlar polisə daş, yandırıcı maddə olan şüşə butılka atıblar. Polis gözyaşardıcı qazdan istifadə edib.

Təhlükəsizlik tədbirlərinin gücləndirilməsi üçün «Müsəlman qardaşları» təşkilatının yüzlərlə üzvü yardıma gəlib.

Onun qohumları isə bu olaylar ərəfəsində evdən köçürülüblər.

Mənbənin məlumatına əsasən, Mursinin yürütdüyü siyasətə qarşı olanlarla tərəfdarları arasından qarşıdurma bütün ölkəboyu davam etməkdədir.