Vaşinqtonda tiryək çəkməyə icazə verildi

Lent.az-ın “Reuters” agentliyinə istinadən verdiyi məlumata görə, ancaq qanun açıq məkanlarda, parklarda və hərbi hissələrdə tiryək çəkilməsinə qadağa qoyur.

Açıq məkanlarda tiryək çəkənlərin 100 dollar cəzalandırılması nəzərdə tutulsa da, qanunun qüvvəyə minməsini bayram edən çoxlu sayda amerikalı bir neçə dəqiqə küçədə tiryək çəkib. Polislərə qapalı ictimai yerlərdə tiryək çəkənlərə cərimə yazılmaması barədə tapşırıq verilib.

Qeyd edək ki, Vaşinqtondan əvvəl Kolorado ştatında tiryək çəkilməsinə icazə verən qanun qəbul edilib. Lakin oktyabrın 5-də qəbul edilən qərar gələn il iyunun 5-də qüvvəyə minəcək. Qanunun qüvvəyə minməsi zamanına görə Vaşinqton Kolorado ştatını qabaqlayıb. Yaşı 21-i keçən vaşinqtonlular üzərlərində 0,45 qr tiryək, 7,2 qram tiryəkli şirniyyat məmulatı, yaxud 32 qr tiryəkli maye daşıya biləcəklər. Tiryək yetişdirənlər müəyyən qanunlara görə istehsalla məşğul olacaq, istehsalçılar tiryəki satış üçün icazə almış dükanlara satılacaq. Tiryək istehsalı, satışı və istifadəsinə görə 25 faiz vergi tətbiq olunacaq. Bununla ABŞ büdcəsinə 100 milyonlarla dollar vəsait daxil olacağı proqnozlaşdırılır.