Livanda məzhəb savaşı:11 nəfər həlak olub

İllər uzunu islam təriqtələri arasında münaqişə yaratmağa çalışan qüvvələr az olmayıb. Bir sıra hallarda həmin təriqətlər adından çıxış edənlər də buna şərait yaradır.

Lent.az-ın Türkiyə «NTV»-inə istinadən məlumatına görə,Suriyadakı iç savaş qonşu Livana da sirayət edir. Ölkəni Tipoli şəhərində sünnilərin yaşadığı Bab əl-Tibbanə iə nusayrilərin məskunlaşdığı Cəvəl Mösün məhəllələri arasında qarşıdurma yaranıb. Bu toqquşma nəticəsində 11 nəfər həlak olub, 80 nəfər isə yaralanıb.

Mənbənin bildirdiyinə əsasən, Suriyadakı müxalifətə yardım etmək üçün Livandan yola düşən bir qrup sünni Suriya ordusuna bağlı hərbi birləşmələr tərəfindən Tel-Kəlah qəsəbəsi yaxınlığında öldürülüb. Bundan sonra yuxarıda qeyd etdiyimiz qanlı olay baş verib.

Tripolidəki ordu komandanlığı məsələyə dair açıqlama yayıb:«Bəzi silahlı qruplaşmalar Tripolidə istiqrarı və təhlükəsizliyi pozmağa çalışır. Ancaq təhlükəsizlik qüvvələri buna imkan verməyəcək».

Məlmutada bildirilib ki, adı çəkilən şəhərdə bəzi məktəb və universitetlər bölgədə yaşanan qarşıdurma ucbatından təhsil ara verib.

Livan ordusu isə bu çatışmaya son verilməsi üçün tərəflərlə görüşmək istəyində olduğunu bildirib.