Londonda nəhəng məscid ideyası baş tutmayıb

Londonun Nyuhem rayonunda, Olimpiya parkı yaxınlığında nəhəng məscidin tikilməsinə yerli hakimiyyət icazə verməyib.

Lent.az-ın «BBC»-yə istinadən məlumatına görə, bu ideyanın gerçəkləşməsi üçün oradakı «Camaat Təbliğ» islam hərəkatı 2007-ci ildən çalışır.

Bu məsciddə eyni vaxtda 10 min nəfər ibadət edə biləcəkdi. O, ölkədəki Müqəddəs Pavel kilsəsindən 3 dəfə böyük olacaqdı. Bundan başqa orada iki min nəfərlik yeməkxana, kitabxana və idman zalı da tikmək təklif edilirdi.

Bunun belə hakimiyyəti bildirib ki, məscid həddindən artıq nəhəngdir, tikiləcəyi halda nəqliyyatın hərəkətinə problem yaradacaq, habelə onun arxitekturasındakı fikir bəyənilmir.

Yerli sakinlər də məscid tikintisi ideyasına qarşı çıxış ediblər. Sağ milliyyətçi təşkilatların təmsilçiləri bu məsələdən rahatsızlıq olduqlarını bildiriblər. Onlar hesab edir ki, məscid ideyası gerçəkləşərsə, onda həmin rayon müsəlmanların nəzarəti altına keçəcək.

Xatırladaq ki, «Camaat Təbliğ» hərəkatı 1926-cı ildə Hindistanda yaranıb. Onu bəzi dövlətlərdə ekstremizmdə suçlayırlar. Rusiyada isə bu hərəkatın fəaliyyət qadağan edilib.