Erməni səfir Norveç parlamentinin sədri ilə görüşüb

Ermənistanın Norveçdəki səfiri Hraç Ağacanyan Norveç Krallığı parlamentinin sədri Daq Terye Andersonla görüşüb.

Lent.az-ın «Novosti-Armenii»-yə istinadən məlumatına görə, ev yiyəsinin istəyi ilə görüş zamanı erməni diplomat bölgədəki problemlərdən danışıb. Norveç parlamentinin sədri iki ölkə arasındakı iqtisadi əməkdaşlığını perspektivi ilə də maraqlanıb.

Erməni səfir iqtisadi sahədəki əməkdaşlıqdan danışarkən enerji təchizatı və bərpa olunan enerji məsələlərinə toxunub.
Həmin gün erməni diplomat Norveç parlamentinin xarici əlaqələri və daimi müdafiə komitəsinin təmsilçiləri, İşçi Partiyasından deputatlar Sverre Mirli, Sven Roald Xansen, habelə həmin partiyadan, ədliyyə məsələləri üzrə daimi komitənin üzvü Siqvard Oppebeen Hansenlə də görüşüb.

Danışıqlar zaman erməni səfir iki ölkə parlamentləri arasında əlaqələrin genişləndirilməsindən də söz açıb.