Rusiya - NATO Şurası əməkdaşlıq proqramını təsdiqləyib

Rusiya –NATO Şurası xarici işlər nazirləri səviyyəsində 2013-cü il üçün əməkdaşlıq proqramını bəyənib.

Lent.az-ın «RİA-Novosti»-yə istinadən məlumatına görə, qurumun baş katibi Anders Foq Rasmussen bu haqda açıqlama verib.

«Biz gələn ilin genişləndirilmiş fəaliyyət proqramını təsdiqlədik. Rusiya ilə NATO Əfqanıstanda, terrorçuluğa mübarizədə və narkotik maddələrin yayılmasının qarşısının alınmasında əməkdaşlıq edərək, uğurlu nəticələrə nail olmuşuq» - deyə, o, jurnalistlərə bildirib.

Xatırladaq ki, Rusiya –NATO Şurası 2002-ci il mayın 28-də tərəflərin yüksək səviyyədə təmsilçiliyi ilə Romada təsis edilib.