«Misir vətəndaş savaşı astanasında»

Misirin keçmiş hərbi kəşfiyyatının rəhbərlərindən biri, general Sameh Seyf əl-Yazəl «əl-Qüds əl-Ərəbi» qəzetinə ölkədə baş verənlərlə bağlı müsahibə verib.

Lent.az-ın MIGnews-a istinadən məlumatına görə, o, xəbərdarlıq edərək, deyib: «Ölkə vətəndaş müharibəsi astanasındadır. Liviyadan gətirilən silah-sursat cari siyasi münaqişə açısından islamçılar tərəfindən öz xalqına qarşı istifadə edilə bilər.Misirə xarici hərbi müdaxilə vacibdir. Əks halda o, vətəndaş savaşına sürüklənəcək».

Misir üzrə amerikalı mütəxəssis, doktor Mamun Fandi də xəbərdarlıqla çıxış edib:«Prezident Məhəmməd Mursinin fəaliyyəti gələcəkdə cəmiyyəti parçalanmaya aparacaq. Nəticədə ölkə dağılacaq. Mursinin inadkarlığı rəqibləri tərəfindən daha güclü inadla qarşılanır. Misirin parçalanması Livan, yaxud Fələstini, «Fəth»-lə «HƏMAS»ın parçalanmasını xatırladacaq. İnadcıllıqlarının ölkəni cəhənnəmə çevirəcəyi faktını misirlilər özləri anlayırmı?»