İraqın şimalı Kərkükə ağır texnika, tank, top göndərib

İraqda mərkəzi hakimiyyətlə ölkənin şimalındakı kürd idarəçilər arasında gərginlik günü-gündən artır.

Lent.az-ın «Habertürk»-ə istinadən məlumatına görə, hakimiyyətin «Dəclə əməliyyat qüvvələri» kərkükə qədər gəlməsi şimaldakı kürdlərin də hərəkətə keçməsinə səbəb olub. Bölgədəki idarəçiləri başçısı Məsud Bərzani Kərkükə böyük bir əsgəri güc göndərib.

Yaraqlılarla yanaşı ora tank, top, zirehli texnikada aparılıb. «Piştivani» adlı kürd yaraqlılarına Məsud Barzaninin qardaşı Sihat Barzani başçılıq edir.
Bu silahlı birləşmənin güclü hərbi birləşmə olduğu iddia edilir. Sihat Barzani mövcud vəziyyətlə bağlı deyib ki, Məsud Barzani izin versə «Bağdada qədər olan torpaqları düşmənlərdən təmizləməyə hazır»dırlar.

Bağdadla İraqın şimalındakı idarəçiləri arasında silahlı qarşıdurma yaranacağı halda terrorçu PKK da kürd yaraqlılarının yanında olacağını bir müddət öncə bildirmişdi.