Türkiyə-İsrail danışıqları başlayıb

«Mavi Mərmərə» olayından sonra Türkiyə ilə İsrail arasında diplomatik münasibət kəsilib.

Lent.az-ın Türkiyə «NTV»-sinə istinadən məlumatına görə, İsraildə çıxan «Haaretz» qəzeti ölkəsinin diplomatik qaynaqlarına əsasən bildirib ki, yəhudi dövlətinin baş naziri təmsilçisi Benyamin Netanyahunun təmsilçisi Yozef Çeçnover Türkiyə Xarici İşlər Nazirliyinin müşaviri, səfir Firudin Şirinoğlu ilə bu həftə Cenevrədə görüşüb.

Görüşdə iki ölkə arasında yaranmış diplomatik böhranın aradan qaldırılması üçün atılacaq addımlar müzakirə olunub. Tərəflər həm Türkiyə, həm də İsraili qane edəcək nəticə əldə etmək ümidindədir.

Xatırladaq ki,Türkiyə İsraillə diplomatik əlaqələri müşavirlik səviyyəsinə endirib. Rəsmi Ankara əlaqələrin normal hala düşməsi üçün İsraildən «Mavi Mərmərə» olayına görə, «üzr istəməsini, təzminat verməsini və Qəzza zolağını blokadanı götürməsini» istəyir.