Misir prezidenti yoxsa, «yeni firon»

Misir prezidenti Məhəmməd Mursi ölkənin yeni Ana Yasa qətnaməsini təsdiqləyib. Lent.az-ın «BBC»-yə istinadən məlumatına görə, bu sənəd onun səlahiyyətlərini genişləndirəcək. Həmin sənəddən bəzi hissələr televiziyada canlı yayımda oxunub.

Qətnaməyə əsasən, «əgər millət və ya onun birliyi təhlükə ilə üzləşərsə», onda prezident «bu təhlükəyə qarşı qanuna uyğun olaraq, fəaliyyət göstərib, qərar qəbul etmək haqqına malikdir».

Bundan başqa qətnamə Ana Yasa komissiyasının fəaliyyətini daha iki ay uzadıb.

Müxalifət liderlərindən biri Məhəmməd əl-Baradeyi hesab edir ki, yeni sərəncamla dövlətbaşçısı qanundan üstün olacaq:«Məhəmməd Mursi bütün hakimiyyəti ələ keçirərək, yeni firon olub. Bu,inqilaba zərbədir».

Hüsnü Mübarək rejimi devrilərkən, aksiya iştirakçılarına qarşı fəaliyyət göstərənlər barəsində də cinayət işinin açılması məsələsi də sənəddə öz əksini tapıb.