Dəhşət: Ər arvadını küçənin ortasında yandırdı – VİDEO

Lent.az-ın “lifenews.ru” saytına istinadən verdiyi məlumata görə, cütlük arasında mübahisə küçədə birgə gəzinti zamanı baş verib və şok yaradan görüntülər müşahidə kamerasına düşüb.

Mübahisə qızışan zaman əvvəlcədən tez alışan maddəni üzərində götürən ər onu həyat yoldaşının üzərinə töküb. Hadisənin gələcək inkişafını proqnozlaşdıra bilməyən qadın var gücü ilə qəzəblənmiş ərindən özünü müdafiə etməyə çalışıb. Xoşbəxtlikdən, həmin vaxt yaxınlıqdan keçən bir kişi qadına kömək etməyə qərar verib. Lakin ər alışqanı cibindən çıxararaq arvadının paltarını yandırmağa macal tapıb, daha sonra da oradan qaçıb. Ani məqamda qadının paltarının yuxarı hissəsi alovlanıb və bir neçə saniyəyə alov onu bürüyüb. Qadına kömək etməyə çalışan şəxs isə sağlamlığını riskə atır, gödəkçəsini çıxararaq alovu söndürməyə çalışıb. Kənardakı şəxslər də köməyə çatıb, kimi su tökür, kimi süpürgə, kimi odeyal ilə alovu söndürməyə çalışıb və nəhayət, alov söndürülüb. Qadın yaxınlıqdakı xəstəxanaların birinə aparılıb. Hazırda qadının vəziyyətinin necə olduğu məlum deyil.