İspaniya əyaləti, Kataloniya Rusiya ilə əməkdaşlığı genişləndirir

İspaniyanın Kataloniya əyaləti hökumətinin başçısı Artur Mas bu gün Moskvaya səfər edəcək.

Lent.az-ın «RİA-Novosti»-yə istinadən məlumatına görə, onun başçılıq etdiyi geniş tərkibli nümayəndə heyəti Rusiya ilə iqtisadi-ticarət əlaqələrini genişləndirib, möhkəmləndirmək niyyətindədir.

Hökumət başçısının səfərdə yüzə yaxın yerli iş adamları da müşayiət edir. Onlar noyabrın 1-də Moskvada açılacaq Rusiya –Kataloniya birinci ticarət forumuna qatılacaqlar.

Bu tədbir Rusiyada bazarında işləmək istəyən Kataloniya şirkətlərinin yerli iş adamları ilə əlaqələrin qurulmasına yönəlib.

Bu günədək Kataloniyadan Rusiyaya ixaractın payı 34 faiz, Rusiyadan idaxalatınkı isə 20 faizdir.

Hökumət başçısı «Lukoyl»-un prezidenti Vahid Ələkbərovla da görüşəcək. Son çağların ən uğurlu layihələrindən biri Barselona limanındakı neft terminalıdır. Bu layihə beynəlxalq neftteryderi «LİTASKO» («Lukoyl»un 100 faiz törəmə şirkəti) və İspaniyanın «Meroyl» şirkəti tərəfindən yarı-yarı sərmayə qoyuluşu əsasında gerçəkləşdirilib.

40 min kv.metrlik həmin ərazidə 6500-dən 40 min kub metr sıxlığadək 13 ehtiyat anbarı tiklib. Onun ümumi həcmi 360 min kub metrdir.

Yeni terminalın yardımı ilə «LİTASKO» dizel və bioyanacağı İspaniya ərazisinə yenidənixarcı gerçəkləşdirir.