Berluskoni 4 il azadlıqdan məhrum edildi və... əfvə düşdü-YENİLƏNİB

İtaliyanın sabiq baş naziri Silvio Berluskoninin 4 il müddətinə azadlıqdan məhrum edilməsinə dair çıxarılan qərara daha biri əlavə olunub.

Lent.az-ın Türkiyənin NTV telekanalına istinadən verdiyi məlumata görə, sabiq baş nazirə İtaliya həbsxanasında standartlardan çox məhbus olması ilə bağlı 2006-cı ildə qəbul edilmiş qanun şamil olunub və onunla bağlı qəbul edilmiş 4 illik azadlıqdan məhrumetmə cəzası bir ilə endirilib.

Milan Məhkəməsinin qərarı Silvio Berluskoninin 3 il ictimai sahədə fəaliyyətinə qadağa qoyulmasını da nəzərdə tutur.

***
19.57
İtaliyanın sabiq baş naziri Silvio Berluskoni 4 il müddətinə azadlıqdan məhrum edilib. Lent.az-ın Türkiyənin NTV telekanalına istinadən verdiyi məlumata görə, Milan Məhkəməsinin qərarı Silvio Berluskoninin 3 il ictimai sahədə fəaliyyətinə qadağa qoyulmasını da nəzərdə tutur.

Qeyd edək ki, Silvio Berluskoni seks qalmaqalları ilə bağlı 2011-ci ilin noyabr ayında baş nazir postundan istefa verib. Milan Məhkəməsinin qərarı isə seks qalmaqalları ilə deyil, vergi qaçaqmalçılığı ilə əlaqədardır. Silvio Berluskoninin sahibi olduğu “Gruppo Mediaset” media şirkəti ABŞ filmlərini yayımlamaq üçün lazım olan hüququ xaricdəki şirkətlərin vasitəçiliyi ilə əldə edib və vergidən yayınmaq üçün ödəmələr barədə yalan məlumat təqdim edib. Nəticədə 3 min filmlə bağlı vergidən yayınma nəticəsində 250 milyon avro gəlir əldə olunub.