2575
17:42
31 Avqust 2020

"Kaspi" qəzeti bağlanır? - BAŞ REDAKTORDAN AÇIQLAMA

“Kaspi” qəzeti bağlanmır, sadəcə bundan sonra həftədə bir dəfə nəşr olunması nəzərdə tutulur”.

Bunu Lent.az -a açıqlamasında “Kaspi” qəzetinin bağlanması ilə bağlı yayılan xəbərlərə aydınlıq gətirən qəzetin baş redaktoru İlham Quliyev deyib. O bildirb ki, səbəb maliyyədir: “Qəzet bağlanmır. Müəyyən maliyyə problemləri yarandığı üçün ola bilsin ki, dövrülükdə dəyişkilk edək. Bu günə kimi gündəlik çıxırdıq. Sentyabrdan etibarən gündəlik nəşr olunmayacağıq. Çox güman ki, həftədə bir dəfə nəşr olunacağıq. Saytımız və kollektivimiz saxlanılacaq. Cüzi ixtisarlar ola bilər, amma hazırda bu məsələ müzakirə olunmur”.

İ.Quliyev hazırda qəzet çapının çox böyük maliyyə vəsaiti tələb etdiyini və artıq ötən ildən KİVDF-nin maliyyə siyahısına düşə bilmədiklərini xatırladıb: “İndiyə kimi müəyyən imkanlardan istifadə edərək çapımızı təmin edirdik. Son vaxtlar problemlərimiz bir qədər artıb. Ona görə də belə qərar qəbul etdik. Onsuz da çap mediası yerini internet mediaya verir. Bu baxımdan da internet saytımızın fəaliyyətini gücləndirmək və daha çox sayt üzərindən fəaliyyət göstərməyi düşünürük”.