18:23
30 Aprel 2020

Narazı qalan “Tuluza” məhkəmə ilə hədələdi


“Tuluza” klubunun prezidenti Olivye Sadran Fransa Futbol Federasiyası (FFF) və Peşəkar Futbol Liqasına (LFP) açıq məktubla müraciət edib.

Apasport.az saytının məlumatına görə, klub rəhbəri Liqa1-də koronavirus pandemiyası üzündən dayandırılan mövsümün indiki nəticələrinin yekun kimi tanınmasından narazılığını bildirib.

Bu, turnir cədvəlində sonuncu pillədə qərarlaşan “Tuluza”nın Liqa2-yə yuvarlanması ilə nəticələnəcək. Hadisələrin belə axarı isə klub prezidentini özündən çıxarıb: “Komandanın 27-28 turun nəticələrinə əsasən aşağı dəstəyə göndərilməsi ədalətsiz, qeyri-düzgün və qanunla əsaslanmamış olar. Bu, hakimiyyətdən sui-istifadədir. İstənilən birtərəfli qərar mövcud qaydalara əsaslanmayan tədbirdir. FFF və LFP-dən xahiş edirik ki, öz qaydalarına əməl etsinlər. “Tuluza”nın yarışı davam etdirmək haqqına təsir edən istənilən qərardan dərhal məhkəməyə şikayət olunacaq”.

Qeyd edək ki, 20-ci pillədə qərarlaşan “Tuluza” 28 oyunda cəmi 13 xal toplayıb. Komanda 19-cu pillədən 10, Liqa1-də qalmaq hüququ verən 17-ci yerdən 17 xal geridədir.

Dİgər xəbərlər