1404
04:02
12 Fevral 2020

Suriya ordusunun helikopteri vurulub, 2 pilot ölüb


Çərşənbə axşamı Suriya ordusuna məxsus helikopterin İdlib əyalətində vurulduğu və nəticədə 2 pilotun öldüyü təsdiqlənib.

APA xəbər verir ki, bu barədə “SANA” agentliyi Suriya Silahlı Qüvvələrindəki mənbəyə istinadən məlumat yayıb.

Bildirilib ki, döyüş helikopteri İdlib əyalətinin cənubundakı Nairab bölgəsi üzərində raketlə vurulub.

Qeyd edək ki, bundan əvvəl Türkiyə mətbuatı da Suriya Silahlı Qüvvələrinə məxsus helikopterin vurulması ilə bağlı məlumat yaymışdı.