186
11:05
01 Noyabr 2019

Ötən ay neçə nəfər qidadan zəhərlənib? - RƏSMİ

Oktyabr ayı ərzində Azərbaycanın Qida Təhlükəsizliyi Agentliyinin (AQTA) 1003 “Çağrı Mərkəzi”nə 2030 müraciət daxil olub.
Bu barədə Lent.az -a AQTA-nın mətbuat xidmətindən məlumat verilib. Bildirilib ki, 2019-cu ilin oktyabr ayı ərzində agentliyin 1003 “Çağrı Mərkəzi”nə ümumilikdə 2030 müraciət daxil olub. Daxil olan müraciətlərdən 374-ü sertifikatlaşdırma və qeydiyyat, 476-ı idxal-ixrac əməliyyatları, 180-i istehlakçı hüquqlarının pozulması halları ilə bağlı olub.
Qida zəhərlənmələri ilə bağlı agentliyə 25 müraciət daxil olsa da, onlardan yalnız 8-i öz təsdiqini tapıb. Bütün hallarda müraciətlər araşdırılıb və qanunvericiliyin tələblərinə uyğun olaraq icrası təmin edilib.
Müvafiq dövrdə agentliyə daxil olan müraciətlərin 104-ü işə qəbulla, 871-i isə digər xarakterli müraciətlər olub.