473
12:18
10 Avqust 2019

İnstaqram bu şirkəti rədd etdi: məlumatları sızdırırmış

Məşhur İnstaqram fotoservisi Hyp3r adlı marketinq şirkəti ilə əməkdaşlığı dayandırdı. Belə ki, bu əməkdaşlıq çərçivəsində Hyp3r şirkəti İnstaqram istifadəçilərinin məlumatlarını əldə edirdirlər.
Lent.az "technote"a istinadən xəbər verir ki, Hyp3r şirkəti İnstaqram istifadəçilərinin yerləşdikləri yerləri təyin edə, onların istfadəçi hesablarındakı məlumatları və Stories paylaşımlarını özündə saxlaya bilirdi.
Bu isə birbaşa İnstaqram qaydalarının pozulması deməkdir. Hyp3r şirkəti məlumatları keçən ildən yığmağa başlamışdı. Lakin fotoservis bundan xəbərsiz idi. 7 avqust tarixində isə İnstaqram sözügedən servisə xüsusi məktub göndərdi və həmin məktubda şirkətin İnstaqram qaydalarını pozduğu barəsində məlumat əks olunmuşdu.
“Hyp3r şirkətinin hərəkətləri bizim qanunlarımızı pozub. Nəticədə biz onları öz platformamızdan silmişik. Biz həmçinin İnstaqrama bəzi dəyişikliklər əlavə etmişik və həmin dəyişikliklər digər şirkətlərə yerləşdikləri yerlər barəsində məlumatlara sahib səhifələrdən bu cür məlumatları əldə etməyə imkan verməyəcək” - deyə Instagram qeyd edib.
Hyp3r şirkətinin hansı həcmdə istifadəçi məlumatı əldə etdiyi məlum deyil. Şirkətin özü isə bütün bunları təkzib edib və qeyd edib ki, onun əldə etdiyi bütün məlumatlar qanuni şəkildə əldə olunub.