Kofeinsiz qəhvə yaddaş üçün daha faydalıdır

Yeni araşdırmada kofeinsiz qəhvənin yaddaşa maraqlı təsiri aşkarlanıb.

Lent.az xəbər verir ki, kiçik miqyaslı sınaqda yalnız kofeinsiz qəhvə içən iştirakçılar iki yaddaş testində əhəmiyyətli yaxşılaşma göstəriblər. Kofeinli qəhvə içənlərdə isə eyni nəticə müşahidə olunmayıb.

Alimlər bunun qəhvənin tərkibindəki kofeindən başqa maddələrin və bağırsaq mikrobiomunun beyinlə qarşılıqlı təsiri ilə əlaqəli ola biləcəyini düşünürlər.

Araşdırma hələ kiçik olduğundan nəticələrin daha böyük tədqiqatlarla təsdiqlənməsi lazımdır.