Bakı Apelyasiya Məhkəməsində dələduzluqda təqsirləndirilən Ellada Babayeva və onun həyat yoldaşı Emil Babayevin birinci instansiya məhkəməsinin hökmündən verdiyi şikayət üzrə məhkəmə prosesi başlayıb.
APA-nın məlumatına görə, hakim Mirzəli Abbasovun sədrliyi ilə keçirilən prosesdə təqsirləndirilən şəxslərin anket məlumatları və apelyasiya şikayətinin dəlilləri araşdırılıb.
Məhkəmə baxışı avqustun 6-a təyin edilib.
Qeyd edək ki, E.Babayevlə E.Babayeva bir neçə şəxsə qarşı külli miqdarda dələduzluq ediblər. Zərərçəkmişlər turizm şirkətlərinin nümayəndələridir. E.Babayeva və E.Babayev onlardan iş görmək, turpaketlər təşkil etmək adı ilə müxtəlif məbləğlərdə pul alıblar. Lakin sonradan ödənişlər geri qaytarılmayıb.
Bakı Ağır Cinayətlər Məhkəməsinin hökmü ilə E.Babayev 8 il müddətinə azadlıqdan məhrum edilib.
E.Babayevanın cəzası isə 2015-ci il təvəllüdlü qızı 14 yaşına çatana qədər təxirə salınıb və o, məhkəmə zalından azadlığa buraxılıb. Hökmdən təqsirləndirilən şəxslər və zərərçəkmişlər apelyasiya şikayəti verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
