"Hər gecə kluba yollanıram" - Mənzurə Musayeva

Müğənni Mənzurə Musayeva "5/5" verilişində qonaq olarkən etirafı ilə diqqət çəkib.

Sənətçi diskotekaya çox getdiyini deyib. O bildirib ki, xaricə gedəndə hər gecə kluba yollanır. Mənzurə aparıcı Zaur Kamalın "Diskoteda olmusan" sualına belə cavab verib:

"Niyə olmamışam ki... Həyatım diskotekada keçib. Türkiyəyə, Yessentukiyə gedəndə diskotekaya gedirəm. Ora dincəlməyə gedirsən də. Gedib otaqda oturmağın nə mənası var? Mən vaxtımı səmərəli keçirirəm. Axşam gedib diskotekada oynayıb, gəlib daş kimi yatırsan.

Niyə oynaya bilməyim ki? Nəyi var oynayıram. Bir dəfə Yessentukidə diskotekada yarış keçirdilər. Birinci yerə çıxdım, oynamaqla hamısını yordum. Hədiyyə konyak və şokolad verdilər.

Mənim gizlinim yoxdur. Xaricə gedən kimi diskotekalara yollanıram. Hətta Türkiyədə olanda şlyapanı taxdım başıma, hovuzun ortasında elə oynadım ki, bütün turistlər mənə baxırdı".

(axşam.az)