Qafqaz Müsəlmanlarının qurultayı başladı
12 avqust 2009 17:45 (UTC +04:00)

Qafqaz Müsəlmanlarının qurultayı başladı

QMİ-nin Nizamnaməsi yeni redaksiyada qəbul olanacaq, Qazılar Şurasının üzvləri seçiləcək

Bu gün Qafqaz Müsəlmanları İdarəsinin (QMİ) 12-ci qurultayı öz işinə başlayıb.

Lent.az-ın müxbirinin verdiyi xəbərə görə, qurultay yasin surəsinin oxunması ilə başlayıb.

Qurultayda QMİ-nin və Qazılar Şurasının fəaliyyəti haqqında hesabat, o cümlədən Nəzarət-Təftiş Komissiyasının hesabatı dinləniləcək.

Qurultayda “Dini etiqad azadlığı haqqında” qanuna edilmiş əlavə və dəyişikliklərlə əlaqədar QMİ-nin Nizamnaməsinin yeni redaksiyada müzakirəsi də nəzərdə tutulub. Müzakirələrin sonunda QMİ-nin Nizamnaməsi yeni redaksiyada qəbul olunacaq.

Qurultayda təşkilati məsələlər də müzakirə ediləcək. Qazılar Şurasının, Nəzarət-Təftiş Komissiyasının üzvlərinin seçilməsi nəzərdə tutulur.

Qurultayın sonunda Ramazan ayının başlanması ilə əlaqədar Qazılar Şurasının fətvası elan olunacaq.

Elxan Salahov
# 594

Oxşar yazılar