Ərzaq məhsulları üzərində yalançı “halal”lıq
12 avqust 2009 17:00 (UTC +04:00)

Ərzaq məhsulları üzərində yalançı “halal”lıq

Qafqaz Müsəlmanları İdarəsi onların adından istifadə edənləri cəzalandırmaq üçün Dini Qurumlarla İş üzrə Dövlət Komitəsindən kömək istədi

“Bəzi istehsal müəssisələri istehsal etdikləri ərzaq məhsullarının üzərinə Qafqaz Müsəlmanları İdarəsinin xəbəri olmadan bizim adımızdan halallıq aldıqlarını qeyd edirlər. Halbuki, ərzaq malları üzərinə “halal” sözünün yazılması Qafqaz Müsəlmanları İdarəsi ilə razılaşdırılmalıdır”.

Lent.az-ın məlumatına görə, bu barədə Qafqaz Müsəlmanları İdarəsinin (QMİ) sədr müavini, müfti Hacı Salman Musayev qurumun XII qurultayındakı çıxışında belə deyib. O, qeyd edib ki, QMİ-nin razılığı olmadan bir çox ərzaq məhsullarının üzərində “halal” sözünün yazılması vətəndaşlar arasında çaşqınlıq yaradır.

“Dini Qurumlarla İş üzrə Dövlət Komitəsindən xahiş edirik ki, bu məsələ ilə bağlı bizə kömək etsin” - deyə, Hacı Salman Musayev qeyd edib.

Elxan SALAHOV
# 689

Oxşar yazılar