Ukraynanın Rovno şəhərində Kamo “Moskovskiy” kimi tanınan “qanuni oğru” Kamo Eqiazarov dünyasını dəyişib.
Lent.az xarici mediaya istinadla bildirir ki, həkimlər onun ölüm faktını oktyabrın 20-si, bazar ertəsi günü qeydə alıblar. Hadisənin səbəbi və başvermə şəraiti barədə dərc edilən xəbərdə heç nə qeyd olunmur.
Məlumata əsasən, Kamo Eqiazarov 2020-ci ildə Rusiyada həbsdən azad edildikdən sonra Ukrayna ərazisinə keçib. Bir il sonra Ukrayna hüquq-mühafizə orqanlarının əməkdaşları onu saxlayaraq Çerniqovda yerləşən əcnəbilərin müvəqqəti saxlanma mərkəzinə yerləşdiriblər.
Kamo Eqiazarov 1962-ci ildə Tbilisidə anadan olub. O, ilk dəfə 1981-ci ildə həbsxanaya düşüb. 90-cı illərin əvvəllərində cinayətkar Rusiyanın paytaxtına köçərək kriminal aləmdə fəal iştirak edib. Onun əsas fəaliyyət sahələri dələduzluq və narkotiklərin qanunsuz dövriyyəsi olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
