"Barselona"nın futbolçuları "Qızıl top" mərasiminin nəticəsini almaqdan xoşbəxt olublar.
Lent.az xarici KİV-ə istinadla bildirir ki, mərasimdə iştirak edən "Barselona"nın futbolçuları (xüsusən Dani Olmo, Lamin Yamal) hələ səsvermənin nəticələri elan olunmamışdan əvvəl komanda yoldaşlarına mükafatın böyük ehtimalla Rodriyə veriləcəyini deyiblər.
Rəsmi açıqlamadan sonra "Barselona"nın bir çox futbolçusu yarımmüdafiəçini təbrik edib. Bunun həm Rodrinin ispan olması, həm də mükafatın əzəli rəqibi "Real Madrid"in futbolçusu Vinisius Juniora verilməməsi ilə əlaqədar olduğu bildirilir.
Rodri 2008-ci ildən bəri İngiltərə Premyer Liqa klubundan “Qızıl top” mükafatını alan ilk oyunçudur. Los Blankos və İngiltərə millisinin yarımmüdafiəçisi Cud Bellinqhem üçüncü olub. İlk 5-liyə müdafiəçi Daniel Karvaxal (“Real Madrid”) və hücumçu Erlinq Haaland (“Mançester Siti”) daxil olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
