"Bavariya"nın yarımmüdafiəçisi Tomas Müller Münhen komandasının gənc azarkeşləri ilə söhbət edib.
Lent.az-ın xarici mediaya istinadla xəbərinə görə, xüsusilə, Müller “qırmızılar”ın onun üçün niyə xüsusi klub olduğunu və başqa təkliflər olduğu halda komandadan niyə ayrılmadığını açıqlayıb.
"Bavariya mənim üçün böyük klubdur və mən heç vaxt ayrılmaq istəməmişəm. Təbii ki, hər şeyin o qədər də yaxşı olmadığı vaxtlar olub. Məsələn, keçmiş baş məşqçim Lui van Qaal məni İngiltərəyə aparmaq istəyirdi. Amma o vaxt bunu etməmişdim və indi də, bütün bu illərdən sonra mən hələ də buradayam və özümü yaxşı hiss edirəm".
Tomas Almaniya nəhəngindən ayrıldıqdan sonra gələcəyinin necə olacağını hələ bilmədiyini də bildirib.
"Hələ heç bir planım yoxdur, olsaydı belə, indi açıqlamazdım. Qoy sürpriz olsun".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
