Gecə klubundakı partlayışa görə tutulanlara HÖKM OXUNDU
06 oktyabr 2022 17:49 (UTC +04:00)

Gecə klubundakı partlayışa görə tutulanlara HÖKM OXUNDU

“Location” gecə klubundakı partlayışa görə ittiham olunan Rəsul Rəsulov, Orxan Səfərov və Ruslan Məmmədovun cinayət işi üzrə məhkəmə araşdırması başa çatıb.

Lent.az APA-ya istinadən xəbər verir ki, bu gün Bakı Ağır Cinayətlər Məhkəməsində hakim Faiq Qəniyevin sədrlik etdiyi iclasda hökm oxunub.

Hökmə əsasən, ittiham olunan şəxslər verilmiş maddələrlə təqsirli bilinərək - Rəsul Rəsulov 5 il, Orxan Səfərli 4 il azadlıqdan məhrum edilib.

Onlar cəzalarını məntəqə tipli cəzaçəkmə müəssisəsində çəkəcək.

Ruslan Məmmədova sınaq müddəti seçilməklə şərti cəza verilib.

Hakim Faiq Qəniyev bildirib ki, təqsirləndirilən Orxan Səfərli tərəfindən dəymiş ziyan tam ödənilib. Hökmdə, həmçinin Orxan Səfərli və Ruslan Məmmədovun himayəsində azyaşlı övladları olması nəzərə alınıb.

Xatırladaq ki, bu il aprelin 3-də gecə saat 03 radələrində paytaxtın Səbail rayonu ərazisində yerləşən “Location” gecə klubunda partlayış baş verməsi nəticəsində 1 nəfərin ölməsi, 37 şəxsin müxtəlif dərəcəli bədən xəsarətləri alması, 14 avtomobil, 1 mənzil və 2 qeyri-yaşayış obyektinə ziyan dəyməsi faktı əsasında Cinayət Məcəlləsinin müvafiq maddələri ilə başlanmış cinayət işinin istintaqı Baş Prokurorluğun İstintaq idarəsi tərəfindən aparılıb.

Toplanmış ilkin sübutlarla qeyd olunan obyektin mətbəxində qanunsuz olaraq, eləcə də mövcud qaydaların tələbləri pozulmaqla propan qazının sıxılmış mayesi ilə dolu olan qaz balonundan istifadə edilib, həmin qaz balonunun partlaması binada dağıntılara və yanğına səbəb olub.

İstintaq zamanı yanğın təhlükəsizlik qaydalarının riayət edilməsinə məsul olan iaşə obyektini icarəyə götürmüş “Merser food” MMC-də administrator işləyən Rəsul Rəsulova Cinayət Məcəlləsinin 225.2-ci (yanğın təhlükəsizliyi qaydalarını pozma - ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), həmin MMC-nin təsisçisi-klubun meneceri Orxan Səfərova Cinayət Məcəlləsinin 314.2-ci (səhlənkarlıq-ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə ittiham elan edilib.

Eyni zamanda istintaq zamanı, qeyd olunan ərazi üzrə yanğın təhlükəsizliyinin təmin edilməsinə məsul olan - Fövqəladə Hallar Nazirliyinin Dövlət Yanğın Nəzarəti Xidmətinin 2-ci Ərazi Dövlət Yanğın Ərazi idarəsinin inspektoru Ruslan Məmmədov tərəfindən vəzifələrin icrası zamanı səhlənkarlığa yol verilməsi müəyyən edildiyindən, sonuncu Cinayət Məcəlləsinin 314.2-ci maddəsi ilə təqsirləndirilən şəxs qismində cəlb olunub.

İttiham olunan şəxslər barəsində Binəqədi rayon məhkəməsinin müvafiq qərarları ilə həbs qətimkan tədbiri seçilib.

Sonradan iş üzrə təqsirləndirilən Ruslan Məmmədov ev dustaqlığına buraxılıb.

Cinayət işi üzrə 52 nəfər zərərçəkmiş qismində tanınıb.

# 1083
avatar

Oxşar yazılar

Bakıda kişi keçmiş arvadını  öldürüb qaçdı

Bakıda kişi keçmiş arvadını öldürüb qaçdı

7 dekabr 2022 , 19:07
Partiya sədrinə ofisində HÜCUM:  Bıçaqlayıb...

Partiya sədrinə ofisində HÜCUM: Bıçaqlayıb...

7 dekabr 2022 , 18:51
Rayon bazarında FACİƏ:  usta öldü

Rayon bazarında FACİƏ: usta öldü

7 dekabr 2022 , 17:31
Bakıda mağazadan 8 minlik paltar  oğurlandı

Bakıda mağazadan 8 minlik paltar oğurlandı

7 dekabr 2022 , 17:00
Azyaşlıya araq içirdib videosunu paylaşan CƏZALANDI

Azyaşlıya araq içirdib videosunu paylaşan CƏZALANDI

7 dekabr 2022 , 15:50
Tanınmış müğənninin itini oğurlayana   21 il HƏBS

Tanınmış müğənninin itini oğurlayana 21 il HƏBS

7 dekabr 2022 , 15:17
Ova getdi:  Görün kimi vurdu?

Ova getdi: Görün kimi vurdu?

7 dekabr 2022 , 14:46
Bakıda FACİƏ: Kişinin hamamda  meyiti tapıldı

Bakıda FACİƏ: Kişinin hamamda meyiti tapıldı

7 dekabr 2022 , 13:18