34 yaşlı Zöhran Mamdani ABŞ-ın ən böyük şəhəri olan Nyu-Yorkda keçirilən mer seçkilərində qalib gələrək şəhərin ilk müsəlman və cənubi asiyalı meri olub. Mamdaninin həyatı ilə bağlı detallar maraqlı olsa da, onun həyat yoldaşı ilə tanışlıq tətbiqində tanış olması və toyuna ictimai nəqliyyatla getməsi diqqət çəkib.
Lent.az-ın xarici KİV-ə istinadla xəbərinə görə, Demokratlar Partiyasının namizədi Zöhran Mamdani ABŞ-ın ən böyük şəhəri olan Nyu-Yorkda keçirilən mer seçkilərində qalib gəlib. Seçkilərdən sonra Mamdaninin həyatı maraq doğurdu. Nyu-Yorkun ilk müsəlman meri ilə bağlı bəzi bilinməyən məqamlar bunlardır.
Zöhran Mamdani kimdir?
Uqandanın paytaxtı Kampalada anadan olan Mamdani yeddi yaşında ailəsi ilə birlikdə Nyu-Yorka köçüb. Bronks Elmlər Liseyini bitirdikdən sonra Bovdoin Universitetində Afrikaşünaslıq üzrə bakalavr dərəcəsi alıb. Universitet illərində "Fələstində ədalət uğrunda tələbələr" kampus təşkilatını təsis edib.
Şəhərin ilk müsəlman və cənubi asiyalı mer namizədi olan minillik hipster, çoxmədəniyyətli Nyu-York uğrunda kampaniyasında öz köklərinə söykənib. Urdu dilində yayımlanan bir videoda o, Bollivud filmlərindən parçalardan istifadə edib, digərində isə ispan dilində danışıb.
O, həyat yoldaşı ilə tanışlıq tətbiqində tanış olub
Zöhran Mamdani, Bruklində yaşayan 27 yaşlı suriyalı sənətçi həyat yoldaşı Rama Duvaji ilə Hinge tanışlıq tətbiqində tanış olub və evlənib. Mamdaninin anası məşhur kinorejissor Mira Nair, atası isə Kolumbiya Universitetinin professoru Mahmud Mamdanidir. Onun hər iki valideyni Harvard Universitetinin məzunlarıdır.
Toyuna ictimai nəqliyyatla gedib
Mamdani və həyat yoldaşının bələdiyyə binasında evlənmək üçün ictimai nəqliyyata mindikləri gün metroda çəkilmiş şəkilləri də diqqətəlayiq olub.
Siyasətə girməzdən əvvəl Mamdani Nyu-Yorkun Kvins şəhərində mənzil məsləhətçisi kimi çalışıb və aşağı gəlirli kirayəçilərin köçürülməsinə qarşı mübarizə aparıb. O, özünü "xalq üçün namizəd və təşkilatçı" kimi təsvir edir.
Mitinqdə çıxış edərkən deyib: "Müsəlmanlar olaraq bilirik ki, ictimaiyyət qarşısında dayanmaq bəzən kölgədə tapdığımız təhlükəsizliyi qurban vermək deməkdir".
Zöhran Mamdaninin qələbəsi Nyu-Yorkun siyasi tarixində yeni dövrün başlanğıcı kimi qiymətləndirilir.
Gənclərin dəstəyi ilə yüksəldi
Bu yaxınlara qədər ictimaiyyətə nisbətən məlum olmayan Mamdaninin dinamik kampaniyası xüsusilə gənc seçicilərin diqqətini cəlb edib. 2025-ci il seçkiləri Nyu-Yorkda görünməmiş maraqla qarşılanıb. İlə naməlum namizəd kimi başlayan Mamdani tez bir zamanda sorğuların zirvəsinə yüksəlib və əhəmiyyətli dərəcədə irəliləyiş əldə edib.
Mamdaninin seçilməsi mütərəqqi hərəkat üçün dönüş nöqtəsi hesab olunur və ekspertlər bunun şəhərin siyasi balansında sola doğru dəyişikliyin siqnalı olduğunu bildirirlər.
O, 116 milyard dollarlıq büdcəni idarə edəcək
Yeni mer kimi 116 milyard dollarlıq böyük büdcəyə nəzarət edəcək Mamdaninin əvvəlki administrasiya təcrübəsi məhduddur və bu da bəzi dairələrdə suallar doğurur. ABŞ-ın prezidenti Donald Tramp seçki kampaniyası zamanı Mamdaniyə qarşı çıxıb və nyu-yorklular "kommunist" seçsələr, federal maliyyələşdirməni geri götürəcəyini söyləyib. Tramp həmçinin seçkilərdən əvvəl verdiyi açıqlamada Endryu Kuomoya dəstəyini açıqlayıb.
"Demokratik socialist lider
Özünü demokratik sosialist kimi təsvir edən Zöhran Mamdani, kampaniyası boyunca genişlənmiş sosial proqramları maliyyələşdirmək üçün varlılara daha yüksək vergi tətbiq edilməsini müdafiə edib. Bu yanaşma onu Bernie Sanders və Aleksandriya Ocasio-Kortes kimi mütərəqqi fiqurlarla eyniləşdirir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
