Rusiyanın Rostov vilayətində Sankt-Peterburqun Frunzenski rayonunun İstintaq Komitəsinin keçmiş rəis müavini Aleksey Panjev saxlanılıb.
Lent.az yerli mediaya istinadla bildirir ki, istintaq əməkdaşları onun yük yerindən Kalaşnikov avtomatı və qumbara tapıblar. Məlumata görə, polkovnik-leytenant 30 sutka müddətinə həbs edilib. Faktla bağlı odlu silahların qanunsuz saxlanması, daşınması və mümkün oğurlanması ilə bağlı cinayət işi açılıb.
Panjev "Los bandası" - Sankt-Peterburqdan olan kriminal avtoritet Aleksandr Kuryakovun işini araşdırması ilə məşhurlaşıb. İstintaq başlayandan sonra müstəntiq karyerasını tərk edərək, İstintaq Komitəsinin Luqanskdakı ərazi idarələrindən birinə rəhbərlik edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
