Qəbələdə 5 kəndin bir körpüsü var, o da qəzalı - VİDEO

Azərbaycanda turizm deyəndə ağla qeyd-şərtsiz Qəbələ gəlir. Təbiəti, mətbəxi, naz-nemətləri ilə insanları valeh edən bölgədə lap bənzədiyi Monakonun knyazlarını heyrətə salacaq qədər pul qazanmaq olar. Di gəl ki, hər şey Qəbələnin "üçqulaq" paxlavası kimi asan deyil. Buranın elə kəndləri var ki, oraya gedib çatınca nəinki bütün pulun, az qala canın çıxır.

Lent.az xəbər verir ki, sadaladığımız problemlə bağlı sosial problem APA TV-nin hazırladığı reportajda geniş işıqlandırılıb:

Qəbələnin Bayramkoxa kəndi rayon mərkəzindən 25 km aralıda, kəndlərin arasında yerləşir. Oraya getmək üçün hava limanı istiqamətinə bir neçə km asfalt yolu avtomobillə qət edib Hacallı kəndinin yanında dayanmaq lazımdır. Möhtəşəm təbiətə malik olan bu kəndi Dəmiraparan çayi iki hissəyə bölür. Kəndə aid olan əkin sahələrinin 70 faizindən çoxu da çayın digər tayındadır. Vay o günə ki körpü işləməsin. Əhali sayı 1300-dən artıq olan kənddə 270-dən çox təsərrüfat mövcuddur. Bir neçə kəndin bir qəbiristanlığı var. Hamı eyni körpüdən istifadə edir. Təsəvvür edin ki, bir az güclü yağış yağdı, sel gəldisə - körpü yoxdur.

Problemlə bağlı daha ətraflı video materialda tanış ola bilərsiniz.