Argentinada tutuquşuların işğalı: Sakinlər təşviş içində - VİDEO

Argentinanın Buenos-Ayres əyalətinin cənubunda yerləşən kiçik Hilario Askasubi şəhərciyini tutuquşuların istilası qorxutmaqda davam edir. Hər il on minlərlə səs-küylü quş elektrik və internet naqillərini çeynəyərək, səkiləri və küçələri quş pisliyinə bürüyərək şəhərlərə milyonlarla dollar dəyərində maddi ziyan vurur.

Lent.az xarici KİV-ə istinadən xəbər verir ki, hazırda şəhərdə 5000 sakinin hər birinə təxminən 15 tutuquşu düşür, bu da onların gündəlik həyatlarını daimi mübarizəyə çevirir.

Tutuquşularla bağlı vəziyyət getdikcə kritikləşir. Qaya tutuquşularının populyasiyası son illərdə kəskin şəkildə artaraq məhvetmə səviyyəsini əhəmiyyətli dərəcədə artırıb. Zədələnmiş rabitə ilə yanaşı, sakinlər quşların gecə-gündüz çıxardıqları aramsız səs-küydən əziyyət çəkirlər. Çarəsizlik içində insanlar etiraf edirlər ki, onlar bu fəlakətin öhdəsindən necə gələcəyini bilmirlər, lakin yerli hakimiyyət orqanları təəssüf ki, çox az kömək edə bilirlər.

Problem yeni deyil: səlahiyyətlilər dəfələrlə səs-küy bombaları və lazerlərin köməyi ilə quşların işğalına qarşı mübarizə aparmağa çalışıblar. Lakin quşlar bu üsullara tez öyrəşiblər və indi onların heç bir təsiri yoxdur. Bundan əlavə, qaya tutuquşuları qanunla qorunur, bu da daha sərt tədbirlərin mümkünlüyünü məhdudlaşdırır. Nəticədə şəhər sakinləri yalnız arzuolunmaz səslərə dözə bilirlər.

Bahia Blanca Milli Universitetinin (UNS) məlumatına görə, Hilario Ascasubidəki tutuquşuların sayı ən azı 70.000 fərddir. Axşamlar ağacların və elektrik xətlərinin üstünə yığışaraq səmanı kəsərək sakinlərin həyatını əsl kabusa çevirirlər.