Ev heyvanları uşaqların inkişafının QARŞISINI ALIR

Mütəxəssislər belə qənaətə gəliblər ki, ev heyvanları həmişə uşaqların emosional sağlamlığına, davranış və koqnitiv inkişafına müsbət təsir göstərmir.

Lent.az xarici KİV-ə istinadən xəbər verir ki, ABŞ və Böyük Britaniyadan olan psixoloqlar ev heyvanları uşaqlarda oxuma və nitq bacarıqlarının inkişafına müsbət təsir göstərə, lakin akademik göstəricilərə mənfi edə biləcəyini müəyyənləşdirib.

Alimlər Avonda (İngiltərənin cənub-qərbində) 1991-1992-ci illərdə doğulmuş 14 min uşağın səkkiz il ərzində izlənilən məlumatlarını təhlil ediblər.
Onlar müəyyən ediblər ki, ev heyvanına sahib olmaq iki yaşlı uşaqlarda daha yaxşı şifahi olmayan ünsiyyət və beş yaşlı uşaqlarda daha yaxşı nitqlə əlaqələndirilir. Ailədə bir it varsa, uşaq məktəb yaşında daha yaxşı oxuyur. Bu tapıntılar ev heyvanlarının körpələrin dil bacarıqlarını inkişaf etdirdiyini göstərən əvvəlki araşdırmalara uyğundur.

Bununla belə, alimlər ev heyvanlarının uşaqların emosional və koqnitiv inkişafına, eləcə də öyrənmələrinə mənfi təsirini aşkar ediblər. Ev heyvanına sahib olmaq məktəb fənlərində, o cümlədən riyaziyyat, ingilis dili və elm fənlərində aşağı performansla əlaqələndirilir.

Davranış problemləri də az sayda uşaqda, məsələn, üç yaşında hiperaktivlik kimi müəyyən edilib. Müəlliflər qeyd ediblər ki, bu assosiasiya inkişaf qüsuru olan uşaqların valideynlərinin çox vaxt dəstək üçün ev heyvanlarının olması ilə izah edilə bilər.

Alimlər tədqiqatı davam etdirmək və əlavə təfərrüatları öyrənmək niyyətindədirlər, məsələn, nə üçün ev heyvanına sahib olmaq qərarının verildiyi və uşağın ev heyvanı ilə necə və nə qədər müddət əlaqə saxlaması. Bu, ev heyvanlarının uşaqlara necə və niyə təsir etdiyini daha yaxşı başa düşməyə imkan verəcəkdir.