Səyahətdən öncə diqqət edilməli 7 məqam

Yay səyahət mövsümüdür, lakin hətta təcrübəli turistlər belə, istirahət zamanı xoşagəlməz səhvlər edirlər.

Bu barədə Lent.az xarici mediaya istinadən xəbər verir.

Bir ekspert səyahəti daha rahat, ucuz və təhlükəsiz etmək üçün 7 sadə, lakin effektiv məsləhət hazırlayıb:

1. Sənədlərin surətini çıxarın və şəkillərini çəkin. Pasportunuzun, vizanızın, sığortanızın, biletinizin şəkillərini çəkib bulud sistemində və ya elektron poçtda saxlayın. Sənədləri itirdikdə, bu surətlər onların bərpasını və şəxsiyyətin təsdiqini asanlaşdıracaq.

2. Geyimləri rulon şəklində bükün, yığıb qatlamayın. Bu üsul çamadanda yerə qənaət edir, qırışların sayını azaldır və yığdığınız əşyaları daha rahat görməyə imkan verir.

3. Pulsuz ləğv etmə imkanı olan bron seçin. Otel qiymətləri hər gün dəyişir, buna görə pulsuz ləğv imkanı olan rezervasiyalar daha sərfəlidir.

4. Offline xəritələr və tərcüməçilər yükləyin. Google Maps, Maps.me və tərcümə proqramları internet olmadan da işləyir. Wi-Fi olmayan və ya roamingin baha olduğu yerlərdə bu çox faydalıdır.

5. Çoxistifadəli butulka götürün. Bu həm faydalı, həm qənaətlidir. Bir çox Avropa şəhərlərində içməli su fəvvarələri var. Öz butulkanızı doldurmaqla gündə 10 avroya qədər qənaət edə və plastik tullantıların azalmasına kömək edə bilərsiniz.

6. Biletləri gizli rejimdə axtarın. Aviaşirkətlərin və axtarış sistemlərinin saytları axtarışlarınızı yadda saxlayır və qiymətləri süni şəkildə artırırlar. İnkoqnito rejimi daha ucuz variantlar tapmağa kömək edir.

7. Az əşya daha çox rahatlıq. Artıq əşyaları evdə buraxın: çamadanınızdakı əşyaların 80 faizi adətən lazım olmur. Asan kombinasiyaya uyğun əsas geyimlər götürün. Həm baqaj yüngül olar, həm də hərəkət rahatlaşar.

Səyahət bir sınaq yox, zövqdür. Bu tövsiyələrlə hətta ən uzun səfər belə rahat və xoş bir macəraya çevriləcək.

Xatırladaq ki, hər səyahətçinin özünəməxsus səyahət ritualları olur. Bir turist maraqlı yerləri tapmaq üçün "qəribə" adlandırdığı öz metodunu paylaşıb: O, Google xəritələrindən məşhur turistik yerləri axtarmaq üçün yox, qeyri-ənənəvi bələdçilərdə qeyd olunmayan, maraqlı mənzərələri olan az tanınan yerləri tapmaq üçün istifadə edir.